ఎపి సంక్షోభంలో ఉంది: సిపిఐ గురుదాస్ గప్తా

By Pratap

Published: Friday, August 5, 2011, 14:35 [IST]

న్యూఢిల్లీ: తెలంగాణ అంశం కారణంగా ఆంధ్రప్రదేశ్ తీవ్ర సంక్షోభంలో ఉందని సిపిఐ గురుదాస్ గుప్తా పార్లమెంటులో అన్నారు. సిపిఐ పార్టీ ఆంధ్రప్రదేశ్ లోని అన్ని ప్రాంతాలు సమానమేనని, తెలంగాణకు సంపూర్ణ మద్దతు ఇస్తుందని, అదే సమయంలో ఆంధ్ర, రాజయలసీమ ప్రజల మనోభావాలను గౌరవిస్తామని ఆయన అన్నారు. తెలంగాణ సున్నితమై, భావోద్వేగాలతో కూడిన అంశమని, ఈ సమస్యను కేంద్రం త్వరగా తేల్చాలని ఆయన శుక్రవారం పార్లమెంటులో డిమాండ్ చేశారు.

రాష్ట్రంలో ప్రస్తుత పరిస్థితికి రాజకీయ పార్టీలే కారణం అన్నారు. తెలంగాణపై కాంగ్రెస్ వైఖరి ఏమిటో ఇప్పటి వరకు ఎందుకు చెప్పడం లేదని ప్రశ్నించారు. తెలంగాణలో అనేక ప్రాంతాలు వెనకబడి ఉన్నాయని, అందరూ ఈ విషయాన్ని అర్థం చేసుకోవాలని గురుదాస్ కోరారు. ఒకప్పుడు తెలంగాణ విముక్తి కోసం నిజాంకు వ్యతికంగా పోరాడిన తెలంగాణ ప్రజలు ఇప్పడు మళ్లీ విముక్తి కోసం పోరాడాల్సిన పరిస్థితి ఎందుకు వచ్చిందో అర్థం చేసుకోవాలన్నారు.

Published On August 5, 2011