విద్యార్థినిపై ప్రొఫెసర్ అసభ్య ప్రవర్తన, అరెస్టు

న్యూఢిల్లీ: పరీక్షలో పాస్ చేసే నెపంతో ఢిల్లీ విశ్వవిద్యాలయానికి చెందిన ఓ ఆచార్యుడు తన విద్యార్థిని పట్ల అసభ్యంగా ప్రవర్తించినట్లు ఆరోపణలు వచ్చాయి. దీంతో ఢిల్లీ విశ్వవిద్యాలయంలోని తిలక్ మార్గ్‌లో గల కళాశాలలో ఫైన్ ఆర్ట్స్ బోధిస్తున్న ప్రొఫెసర్ సావి సవర్కార్ (51)ను పోలీసులు శుక్రవారం సాయంత్రం అరెస్టు చేశారు. అదే కళాశాలలో విద్యార్థిని ఫైనల్ ఇయర్ చదువుతోంది.

ప్రొఫెసర్ సవర్కార్‌కు చిత్రకారుడిగా గుర్తింపు ఉంది. విద్యార్థిని నుంచి ఫిర్యాదు అందిన వెంటనే ప్రొఫెసర్‌ను అరెస్టు చేశామని, ఆ తర్వాత బెయిల్‌పై విడుదలయ్యాడని పోలీసులు చెప్పారు. బాధితురాలు పరీక్షలో ఫెయిల్ అయింది. పాస్ చేస్తానంటూ ప్రొఫెసర్ ఆమె పట్ల అసభ్యంగా ప్రవర్తించాడు. దానిపై విద్యార్థిని పోలీసులకు ఫిర్యాదు చేసింది. తనకు క్షమాపణ చెప్పాలని విద్యార్థిని తొలుత ప్రొఫెసర్‌ను డిమాండ్ చేసింది. అయితే, అతను అహంకారపూరితంగా నిరాకరించాడు. దాంతో ఆమె పోలీసులకు ఫిర్యాదు చేసింది.

English summary

A Delhi University professor, teaching Fine arts at a college in Tilak Marg area, was arrested on Friday evening for allegedly molesting a student on the pretext of passing her in the exams.