వైయస్ మృతి వెనుక సోనియా హస్తం: భూమన

హైదరాబాద్: దివంగత ముఖ్యమంత్రి వైయస్ రాజశేఖర రెడ్డి మృతి వెనుక ఏఐసిసి అధ్యక్షురాలు సోనియా గాంధీ హస్తం అనే అంశాన్ని వైయస్సాఆర్ కాంగ్రెసు పార్టీ నేతలు మరోసారి తెరపైకి తీసుకు వస్తున్నారు. వైయస్ఆర్ మృతి వెనుక సోనియా హస్తం ఉందని తిరుమల తిరుపతి దేవస్థానం మాజీ చైర్మన్ భూమన కరుణాకర్ రెడ్డి సోమవారం అనుమానాలు వ్యక్తం చేశారు. వైయస్ మృతిపై సిబిఐ దర్యాఫ్తు సరిగా జరగలేదన్నారు. జాతీయస్థాయిలో వైయస్‌కు వస్తున్న ఆదరణను సోనియా గాంధీ తట్టుకోలేక పోయారని అన్నారు.

కాగా రాజకీయ లబ్ధి కోసమే శ్రీ పొట్టి శ్రీరాములు నెల్లూరు జిల్లా శాసనసభ్యుడు ఆనం రామనారాయణ రెడ్డి వైయస్ కుటుంబంపై విమర్శలు చేస్తున్నారని శోభానాగిరెడ్డి వేరుగా ఆరోపించారు. వైయస్సాఆర్ కాంగ్రెసు పార్టీకి ఉన్న ఒక్క ఎమ్మెల్యేను చూసి కాంగ్రెసు, టిడిపి వెన్నులో వణుకు పుడుతుందని ఆనం వివేకానంద గమనించాలన్నారు. వైయస్ ఫోటో పెట్టుకొని అధికారంలోకి వచ్చిన కాంగ్రెసు నేతలు ఇప్పుడు ఆయన కుటుంబంపైనే విమర్శలు చేయడం సరికాదన్నారు. ఒక్క ఎమ్మెల్యేతోనే కాంగ్రెసు పునాదులు కదులుతున్నాయన్నారు.

English summary

TTD former chairman Bhumana Karunakar Reddy suspected AICC president Sonia Gandhi hand in late YS Rajasekhar Reddy dead.