యడ్యూరప్ప వర్గానికే సదానంద ప్రధాన వాటా

బెంగుళూర్‌: తీవ్ర ప్రతిష్టంభన తర్వాత ఎట్టకేలకు సోమవారం సాయంత్రం కర్ణాటక ముఖ్యమంత్రి సదానంద గౌడ మంత్రివర్గం కొలువు తీరింది. సదానంద గౌడ 21 మంది మంత్రులతో తన మంత్రివర్గాన్ని ఏర్పాటు చేసుకున్నారు. ఇందులో మాజీ ముఖ్యమంత్రి యడ్యూరప్ప వర్గానికే ప్రాధాన్యం లభించింది. యడ్యూరప్ప వర్గానికి చెందిన 12 మందికి సదానంద మంత్రివర్గంలో చోటు కల్పించారు. ముఖ్యమంత్రి పదవి కోసం తనపై పోటీ పడిన జగదీశ్ షెట్టర్ వర్గానికి చెందిన 9 మందిని మంత్రివర్గంలోకి తీసుకున్నారు.

కొత్త మంత్రులతో గవర్నర్ హెచ్ఆర్ భరద్వాజ్ ప్రమాణ స్వీకారం చేయించారు. గాలి జనార్దన్ రెడ్డి సోదరులను, ఆయన అనుచరుడు శ్రీరాములును పక్కన పెట్టారు. ముఖ్యమంత్రిగా యడ్యూరప్ప రాజీనామా చేసిన రోజు వర్షం పడింది. మళ్లీ సోమవారం సాయంత్రం సదానంద గౌడ మంత్రివర్గం కొలువు తీరే సమయంలోనూ అదే వర్షం. జగదీశ్ షెట్టర్ అందరి కన్నా ముందు మంత్రిగా ప్రమాణ స్వీకారం చేశారు. ఆయనకు 55 మంది శాసనసభ్యుల మద్దతు ఉంది. రెడ్డి సోదరులకు, వారి అనుచరుడు శ్రీరాములుకు మంత్రి పదవులు దక్కలేదు.

English summary

It was raining the day BS Yeddyurappa walked to the Karnataka Raj Bhawan to submit his resignation. That set in motion fast-paced political developments, drama and dissidence that culminated in the swearing in of 21 Cabinet ministers today.