వెళ్లిపోవాలని సీమాంధ్రులకు కెసిఆర్ కూతురు హెచ్చరిక

By Srinivas

Published: Tuesday, August 9, 2011, 11:45 [IST]

హైదరాబాద్: ప్రత్యేక తెలంగాణ ఉద్యమానికి జై అంటారా లేదా తెలంగాణ వదులుతారా అని సీమాంధ్రులను తెలంగాణ జాగృతి అధ్యక్షురాలు కల్వకుంట్ల కవిత మంగళవారం కోరారు. తెలంగాణ వ్యతిరేకించే సీమాంధ్రులు వెంటనే తెలంగాణ ప్రాంతాన్ని వదలాలని ఆమె డిమాండ్ చేశారు. ఉద్యోగులు, నేతలు అందరూ జై తెలంగాణ అనాల్సిందే అన్నారు. తాము శాంతియుతంగా క్విట్ ఇండియా ఉద్యమాన్ని చేస్తామని చెప్పారు. నేటి నుండి స్వాతంత్ర దినోత్సవం అయిన ఆగస్టు పదిహేను వరకు ఈ ఉద్యమం చేస్తామని చెప్పారు.

తాము ఇప్పటి వరకు సీమాంధ్రులను ఏమీ అనలేదని అన్నారు. అయితే ప్రస్తుత పరిస్థితుల్లో సీమాంధ్రులు జై తెలంగాణ అనాలి. లేదా తెలంగాణ విడిచి వెళ్లాలని కోరారు. జై తెలంగాణ అనని నేతల ఇళ్లను ముట్టడించే కార్యక్రమం చేపడతామని హెచ్చరించారు. కాగా అంతకుముందు క్విట్ ఇండియా పోస్టర్ విడుదల చేశారు.

Published On August 9, 2011