మంత్రి సారయ్య కొత్త పాట: రోశయ్య తెలంగాణవాది

వరంగల్: మాజీ ముఖ్యమంత్రి కొణిజేటి రోశయ్య ముమ్మాటికి తెలంగాణ వాది అని బిసి సంక్షేమ శాఖ మంత్రి బస్వరాజు సారయ్య మంగళవారం అన్నారు. కౌరవులు ఎవరో పాండవులు ఎవరో తెలంగాణ ప్రజలకు కార్మిక శాఖ మంత్రి దానం నాగేందర్ చెప్పవలసిన పని లేదన్నారు. ఉద్యమాన్ని మరింత ప్రజాక్షేత్రంలోకి తీసుకు వెళతామని అన్నారు. ఆగస్టు 15న స్వాతంత్ర్య దినోత్సవం సందర్భంగా ప్రతి ఇంటి మీద జాతీయ జెండాతో పాటు తెలంగాణ జెండా ఎగుర వేయాలని సూచించారు.

తెలంగాణ కోసం సమ్మె చేస్తామంటున్న ఉద్యోగులు అలాంటి ఆలోచన మానుకోవాలని సూచించారు. ఉద్యోగులు ఉద్యోగాలు చేసుకోవాలని సూచించారు. తెలంగాణపై పోరాడటానికి ప్రజాప్రతినిధులుగా మేము ఉన్నామని చెప్పారు. ప్రజలకు ఇబ్బందులు కలిగించేలా ఉద్యోగులు వ్యవహరించవద్దని సూచించారు. ఎవరికైనా కొన్ని పరిమితులు ఉంటాయని చెప్పారు. ఎస్మా ఎత్తివేతపై ముఖ్యమంత్రి కిరణ్ కుమార్ రెడ్డితో చర్చిస్తామని చెప్పారు.

English summary

Minister Baswaraj Saraiah said today that former chief minister Konijeti Rosaiah is Telananites.