ఓ లేడీ కథ: ఒకరితో పెళ్లి, మరొకరితో సహజీవనం

By Srinivas

Published: Thursday, August 11, 2011, 14:10 [IST]

హైదరాబాద్: రాజధానిలో పెళ్లి పేరుతో యువకులను మోసం చేసిన ఓ యువతిని జూబ్లీహిల్సు పోలీసులు గురువారం ఉదయం అరెస్టు చేశారు. తూర్పు గోదావరి జిల్లా రాజమండ్రికి చెందిన స్నేహ అనే యువతి కొద్దికాలంగా హైదరాబాదులో నివసిస్తోంది. సోమాజిగూడలోని రామకృష్ణ అనే యువకునితో కొద్దికాలం ప్రేమాయణం నడిపింది. ఆ తర్వాత ఆమెకు జూబ్లీహిల్సులోని పరుశురాం అనే వ్యక్తితో పరిచయం ఏర్పడింది. అతనిని పెళ్లి చేసుకుంది. కొద్దికాలం ఆయనతో కాపురం చేసిన అనంతరం మొదటి వ్యక్తి రామకృష్ణతో సహజీవనం కొనసాగించడం ప్రారంభించింది.

అయితే ఆమె జూబ్లీహిల్సులోని తన భర్త పరుశురాం ఇంటి దగ్గర నుండి కొంత బంగారు నగలు, ఫ్రిజ్, టీవి దొంగతనంగా తరలించడం గమనించిన ఆమె భర్త రుశురాం జూబ్లీహిల్సు పోలీసులకు ఫిర్యాదు చేశాడు. పోలీసులు ఆమెను అరెస్టు చేశారు. ఆమెపై కేసు నమోదు చేసి విచారణ జరుపుతున్నారు. కాగా ఆమె రామకృష్ణను పెళ్లి చేసుకున్నట్టుగా కూడా వార్తలు వచ్చాయి.

Published On August 11, 2011