ఇంత ఆలస్యంగానా..?: చంద్రబాబుకు రైతు షాక్

By Srinivas

Published: Friday, August 12, 2011, 12:23 [IST]

కాకినాడ: తెలుగుదేశం పార్టీ అధ్యక్షుడు నారా చంద్రబాబు నాయుడుకు తన పర్యటనలో రైతు షాక్ ఇచ్చారు. తూర్పు గోదావరి జిల్లాలో పంట విరామం ప్రకటించిన రైతులను పరామర్శించేందుకు చంద్రబాబు అక్కడ శుక్రవారం పర్యటిస్తున్నారు. ఈ సందర్భంగా ఉదయం అమలాపురంలో రైతు మేధోమథన సదస్సును ఏర్పాటు చేశారు. ఇందులో పాల్గొన్న సత్య అనే సాధారణ రైతు తెలుగుదేశం పార్టీ, చంద్రబాబు నాయుడు పంట విరామంపై స్పందించడాన్ని ప్రశ్నించారు. రైతులు ఓ ఉద్యమంగా ప్రారంభించిన పంట విరామం పట్ల తెలుగుదేశం పార్టీ ఆలస్యంగా స్పందించిందని ఆయన చంద్రబాబుతో అన్నారు.

అంతేకాకుండా పార్లమెంటు సమావేశాలలోనూ తెలుగుదేశం పార్టీ పంట విరామంపై ప్రశ్నించక పోవడాన్ని ఆయన చంద్రబాబు దృష్టికి తీసుకు వచ్చారు. రైతులు ఇంత పెద్ద ఎత్తున పంట విరామాన్ని ప్రకటిస్తుంటే పార్లమెంటులో టిడిపి ప్రజాప్రతినిధులు ప్రశ్నించలేదని ఆయన మేధోమథనంలో చెప్పారు.

Published On August 12, 2011