హైదరాబాద్ వచ్చెయ్!: నానికి సిఎం బుజ్జగింపులు

విజయవాడ: పోర్టు కోసం రాజీనామాస్త్రాన్ని సంధించిన మచిలీపట్నం శాసనసభ్యుడు పేర్ని నానిని ముఖ్యమంత్రి కిరణ్ కుమార్ రెడ్డి బుజ్జగిస్తున్నట్లుగా తెలుస్తోంది. శుక్రవారం ఉదయం నానికి ముఖ్యమంత్రి కిరణ్ ఫోన్ చేసి రాజీనామాపై తొందర పడవద్దని చెప్పినట్లుగా తెలుస్తోంది. ఏదైనా సమస్య ఉంటే సామరస్యంగా పరిష్కరించుకుందామని, ఓసారి హైదరాబాదు వచ్చి తనను కలవాల్సిందిగా ముఖ్యమంత్రి సూచించినట్లు సమాచారం. రాజీనామాకు పూనుకున్న పేర్ని నానిని బుజ్జగించేందుకు మంత్రి గల్లా అరుణ కుమారి తన ప్రయత్నాలు తాను చేస్తోంది.

రాజీనామాపై తొందర పడవద్దని ఆయనకు సూచించారు. ఈ నెల 20న జిల్లా కార్యవర్గంలో జరిగే సమావేశంలో పోర్టు ప్రారంభంపై చర్చించుదామని ఆమె నానికి నచ్చజెప్పినట్లుగా తెలుస్తోంది. కాగా మచిలీపట్నం పోర్టు నిర్మాణ పనులు ప్రారంభ పనులు ఆలస్యమవుతున్నాయని ఈ నెల 20వ తేది లోగా పనులు ప్రారంభం కాకపోతే తన రాజీనామాను ఆమోదించాలని ముఖ్యమంత్రికి, స్పీకర్ నాదెండ్ల మనోహర్‌కు పేర్ని నాని గురువారం ఉదయం లేఖ రాసిన విషయం తెలిసిందే.

English summary

CM Kiran Kumar Reddy phoned to Machilipatnam MLA Perni Nani and appealed towards resignation.