అన్నా హజారేను అరెస్టు చేసిన ఢిల్లీ పోలీసులు

By Pratap

Published: Tuesday, August 16, 2011, 8:31 [IST]

న్యూఢిల్లీ: జన్ లోక్‌పాల్ బిల్లు కోసం ఢిల్లీలోని జయప్రకాష్ నారాయణ్ పార్కులో నిరాహార దీక్ష తలపెట్టిన సామాజిక కార్యకర్త అన్నా హజారేను పోలీసులు మంగళవారం ఉదయం అరెస్టు చేశారు. అన్నా టీం సభ్యులు కేజ్రీవాల్, కిరణ్ బేడీలను కూడా పోలీసులు అరెస్టు చేశారు. అవినీతికి వ్యతిరేకంగా సాగుతున్న పోరాటాన్ని ఆపేది లేదని అన్నా హజారే అన్నారు. నిరసనకారులు సహనం వహించి, శాంతి పాటించాలని ఆయన విజ్ఞప్తి చేశారు.

సీనియర్ పోలీసు అధికారులు ఉదయమే అన్నా హజారే వద్దకు వచ్చి గృహనిర్బంధం విధించినట్లు చెప్పారు. ఇల్లు వదిలి బయటకు రావద్దని ఆదేశించారు. పోలీసులను ఎదుర్కుని ముందుకు సాగడానికి ప్రయత్నించినప్పుడు హజారేతో పాటు కిరణ్ బేడీ, కేజ్రీవాల్‌లను పోలీసులు అరెస్టు చేశారు.

Published On August 16, 2011