రెండో స్వాతంత్ర్యోద్యమానికి అరెస్టు ప్రారంభం: అన్నా

న్యూఢిల్లీ: తన అరెస్టు దేశంలో రెండో స్వాతంత్ర్యోద్యమానికి ప్రారంభం పలుకుతుందని సామాజిక కార్యకర్త అన్నా హజారే అన్నారు. ప్రజలు జైలో భరో కార్యక్రమానికి సిద్ధం కావాలని ఆయన పిలుపునిచ్చారు. తన అరెస్టు ద్వారా ఉద్యమం ఆగదని, అలా జరగనివ్వకూడదని ఆయన అన్నారు. తనను పోలీసులు అరెస్టు చేసిన తర్వాత మంగళవారం ఉదయం ఆయన ఆ విధంగా అన్నారు. జైళ్లను పూర్తిగా నింపేయాలని ఆయన ప్రజలకు సూచించారు.

ఉద్యమాన్ని శాంతియుతంగా సాగించాలని, హింసకు తావు ఇవ్వకూడదని ఆయన సూచించారు. కోట్లాది మంది ఉద్యమంలో చేరారని, ద్వితీయ శ్రేణి నాయకులు ముందు వరుసలో నిలబడడానికి సిద్ధంగా ఉన్నారని ఆయన అన్నారు. విద్యార్థులు కనీసం ఎనిమిది రోజులు ఈ ఉద్యమంలో పాల్గొనాలని ఆయన సూచించారు. అరెస్టులు చేయడం వెనక ఢిల్లీ పోలీసుల వెనక వేరే వారున్నారని కిరణ్ బేడీ అన్నారు.

English summary

Describing his detention by police as the beginning of the "second freedom struggle", Anna Hazare on Tuesday asked people to participate in a "jail bharo" agitation.