'జాతీయ రాజకీయాల్లో చంద్రబాబు దారిలోనే జగన్'

హైదరాబాద్: జాతీయ రాజకీయాల్లో తెలుగుదేశం పార్టీ అధ్యక్షుడు నారా చంద్రబాబు నాయుడు, వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డిది ఒకేదారి అని భారతీయ జనతా పార్టీ సీనియర్ నాయకుడు బండారు దత్తాత్రేయ మంగళవారం అన్నారు. దివంగత ముఖ్యమంత్రి వైయస్ రాజశేఖర రెడ్డి హయాంలో జరిగిన అన్ని భూకుంభకోణాలపై విచారణ జరిపించాలని ఆయన డిమాండ్ చేశారు. జగన్ ఏ గూటి పక్షో మళ్లీ ఆ గూటికే చేరతారని ఆయన అభిప్రాయపడ్డారు.

అవినీతికి వ్యతిరేకంగా పోరాటం చేస్తున్న సామాజిక సంఘ సంస్కర్త అన్నాహాజారేను వెంటనే విడుదల చేయాలని ఆయన డిమాండ్ చేశారు. హజారే అరెస్టు సరికాదన్నారు. ప్రజా సంక్షేమం కోసం దీక్ష చేస్తున్నప్పుడు దీక్షలను అణిచి వేయడానికి ప్రభుత్వం పూనుకోవడం సరికాదన్నారు. అరెస్టు నియంతృత్వ ధోరణికి నిదర్శనం అన్నారు. ఆయనను భేషరతుగా విడుదల చేయాలన్నారు.

English summary

BJP senior leader Bandaru Dattatreya accused that YS Jaganmohan Reddy will join his mother party. He blamed YS Jagan and Chandrababu Naidu attitude.