టిటిడి విద్యాసంస్థలపై చిరంజీవి గెలిచారు

హైదరాబాద్: తన ఆధ్వర్వంలో నడుస్తున్న విద్యాసంస్థలను ప్రభుత్వానికి అప్పగించాలనే తిరుమల తిరుపతి దేవస్థానం (టిటిడి) నిర్ణయాన్ని వెనక్కి తీసుకోవడంలో ప్రజారాజ్యం పార్టీ అధ్యక్షుడు, తిరుపతి శాసనసభ్యుడు చిరంజీవి విజయం సాధించారు. తన ఆధ్వర్యంలోని విద్యాసంస్థలను ప్రభుత్వానికి అప్పగించాలని టిటిడి స్పెసిఫైడ్ అథారిటీ నిర్ణయం తీసుకుంది. దీన్ని వ్యతిరేకిస్తూ చిరంజీవి ముఖ్యమంత్రి కిరణ్ కుమార్ రెడ్డికి లేఖ రాశారు. దీంతో ముఖ్యమంత్రి జోక్యం చేసుకుని టిటిడి అధికారులతో మాట్లాడారు. ముఖ్యమంత్రి ఆదేశంతో విద్యాసంస్థలను ప్రభుత్వపరం చేసే ఆలోచనను టిటిడి విరమించుకుంది.

టిటిడి ఆధ్వర్వంలో 27 విద్యాసంస్థలు నడుస్తున్నాయి. విటీలో దాదాపు 17వేల మంది విద్యార్థులు చదువుతున్నారు. వీటి నిర్వహణకు దాదాపు ఏడాదికి 50 కోట్ల రూపాయలు వ్యయమవుతోంది. యాభై కోట్ల రూపాయలు ఖర్చవుతున్నాయని చెప్పి వాటిని ప్రభుత్వపరం చేయాలని టిటిడి నిర్ణయం తీసుకోవడం సరి కాదని, టిటిడి ధార్మిక సంస్థ అని ఆయన అన్నారు. గతంలో ఇటువంటి ప్రతిపాదన వస్తే అప్పటి ముఖ్యమంత్రి ఎన్టీ రామారావు తిరస్కరించారని ఆయన గుర్తు చేశారు.

English summary

Prajarajyam party president and Tirupati MLA Chiranjeevi succeeded in molding TTD decision to handover schools to government.