స్పీకరు కంటే నాకే ఎక్కువ అనుభవం: నాగం

By Srinivas

Published: Wednesday, August 17, 2011, 16:49 [IST]

హైదరాబాద్: స్పీకరు కంటే తనకే ఎక్కువ అనుభవం ఉందని తెలుగుదేశం పార్టీ బహిష్కృత శాసనసభ్యుడు నాగం జనార్దన్ రెడ్డి బుధవారం అన్నారు. స్పీకర వెంటనే తమ రాజీనామాలు ఆమోదించాలన్నారు. తమ రాజీనామాలు ఆమోదించకుంటే జైలుకు వెళ్లడానికైనా సిద్ధమే అని ప్రకటించారు. స్పీకరు విషయంలో తాము ఎలాంటి పొరపాటు చేయలేదన్నారు. రాజీనామాలపై ఇచ్చిన మాట తప్పింది స్పీకరే అన్నారు. భయపెట్టాలని చూడటానికి తామేమి చిన్నపిల్లలం కాదని అన్నారు.

తెలంగాణ అంశంపై మంత్రి జానారెడ్డిలో మార్పు ఎందుకు వచ్చిందని తెలంగాణ రాష్ట్ర సమితి శాసనసభాపక్ష నేత ఈటెల రాజేందర్ వేరుగా ప్రశ్నించారు. జానారెడ్డిలో చైతన్యం లోపించిందా లేక ప్రజల్లోనా అన్నారు. తెలంగాణ ఉద్యమాన్ని నీరుగార్చేందుకు తెలుగుదేశం పార్టీ సీనియర్ శాసనసభ్యుడు ఎర్రబెల్లి దయాకర రావు కుట్ర చేస్తున్నారని ఆరోపించారు. సమైక్య రాష్ట్రం ఇక కొనసాగదు అన్నారు.

Published On August 17, 2011