వరంగల్ నిట్‌లో ర్యాగింగ్ కలకలం, విచారణ

By Srinivas

Published: Wednesday, August 17, 2011, 11:17 [IST]

వరంగల్: వరంగల్ నిట్ క్యాంపస్‌లో ర్యాగింగ్ కలకలం చెలరేగింది. సీనియర్ విద్యార్థులు తమను ర్యాగింగ్ చేస్తున్నారంటూ జూనియర్ విద్యార్థులు అధికారులకు ఫిర్యాదు చేశారు. నేపాల్ దేశానికి చెందిన జూనియర్ విద్యార్థులు తమను సీనియర్ విద్యార్థులు ర్యాగింగ్ చేస్తున్నారంటూ ఉత్తరం ద్వారా డైరెక్టర్‌కు ఫిర్యాదు చేశారు. ర్యాగింగుకు పాల్పడింది కూడా నేపాల్‌కు చెందిన సీనియర్ విద్యార్థే కావడం గమనార్హం. బాధిత విద్యార్థుల ఫిర్యాదుకు అధికారులు వెంటనే స్పందించారు.

ర్యాగింగుకు పాల్పడిన సీనియర్ విద్యార్థులను విచారించారు. అధ్యాపకులు కూడా విద్యార్థులకు కౌన్సెలింగ్ నిర్వహించారు. క్యాంపస్ పోలీసులు సైతం నిట్ వర్గాలను మందలించినట్లుగా తెలుస్తోంది. అవసరమైన పక్షంలో నిట్‌లో అదనపు నిఘాకు సూచనలు చేశారు.

Published On August 17, 2011