దర్యాఫ్తుకు సహకరించకపోతే అరెస్టులు: సిబిఐ

By Srinivas

Published: Thursday, August 18, 2011, 12:02 [IST]

హైదరాబాద్: వైయస్సాఆర్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆస్తుల కేసులో, ఎమ్మార్ అక్రమాల కేసులో అధికారులు అందరూ సహకరించాలని లేదంటే అరెస్టులు తప్పవని సెంట్రల్ బ్యూరో ఆఫ్ ఇన్వెస్టిగేషన్(సిబిఐ) అధికారులు గురువారం హెచ్చరించారు. కేసుకు సంబంధించిన అధికారులు అందరూ సిబిఐ దర్యాఫ్తుకు సహకరించాలని విజ్ఞప్తి చేశారు. లేనియెడల అదుపులోకి తీసుకుంటామని హెచ్చరించారు. విచారణ తర్వాత అన్ని విషయాలు బయట పెడతామని, కేసు విషయంలో ఏదీ దాచి పెట్టమని సిబిఐ అధికారులు చెప్పారు.

కాగా ఉదయం వైయస్ జగన్ ఇంట్లో సోదాలు జరుగుతున్న సమయంలో భారతి అభ్యంతరాలు వ్యక్తం చేసినట్లుగా వార్తలు వచ్చాయి. అయితే ఆ తర్వాత కుటుంబ సభ్యులు అందరూ సిబిఐ అధికారులకు సహకరించారు. కృష్మా జిల్లా ఓదార్పుయాత్రలో ఉన్న వైయస్ జగన్ సైతం అందరూ సిబిఐ దర్యాఫ్తుకు సహకరించాలని కుటుంబ సభ్యులను విజ్ఞప్తి చేశారు. అయితే జగన్ కంపెనీలలో పెట్టుబడులు పెట్టిన వారు, కేసుకు సంబంధించిన సమయంలోని అధికారులు సహకరించని పక్షంలో మాత్రమే అదుపులోకి తీసుకుంటామని హెచ్చరించారు.

Published On August 18, 2011