జగన్‌ను అరెస్టు చేసి విచారణ జరపాలి: శంకర రావు

By Srinivas

Published: Thursday, August 18, 2011, 14:51 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి సాక్ష్యాలను తారుమారు చేసినా ఫలితం ఉండదని చేనేత, జౌళీ శాఖ మంత్రి శంకర రావు గురువారం అన్నారు. జగన్ ఆస్తులపై సిబిఐ దాడులు నిర్వహిస్తున్న నేపథ్యంలో మంత్రి శంకర రావు స్పందించారు. జగన్ ఆస్తులపై సిబిఐ దర్యాఫ్తు ఆలస్యంగా జరుగుతున్నందున ఆయన ఇప్పటికే సర్దుకుని ఉంటారని అనుమానాలు వ్యక్తం చేశారు. అయినప్పటికీ సాక్ష్యాధారాలు తారుమారు చేసినా ఫలితం ఉండదన్నారు.

జగన్‌ను అరెస్టు చేసి విచారణ జరపాలని ఆయన డిమాండ్ చేశారు. గతంలో నన్ను జోకర్ అన్న వారు దాడులు చూసి బాధపడుతున్నారని అన్నారు. జగన్‌కు సంబంధించిన అన్ని సంస్థలపైనా విచారణ చేపట్టాలన్నారు. ఎమ్మార్‌లో ప్లాట్లు కొన్న వారిపై చర్యలు తీసుకోవాలని డిమాండ్ చేశారు. వోక్స్ వ్యాగన్‌పై మళ్లీ విచారణ చేపట్టాలన్నారు.

Published On August 18, 2011