పాకిస్తాన్‌ మసీదు బాంబు దాడిలో 40 మంది మృతి

పెషావర్: పాకిస్తాన్‌లోని ఓ మసీదుపై జరిగిన బాంబు దాడి సంఘటనలో 40 మంది మరణించారు. మరో 85 మంది దాకా గాయపడ్డారు. శుక్రవారం ప్రార్థనల సందర్భంగా ఈ దాడి జరగడంతో మరణాలు ఎక్కువగా సంభవించాయి. ఇది ఆత్మాహుతి దాడి అనడానికి ఆధారాలున్నాయని స్థానిక పాలనాధికారి ఫజల్ ఖాన్ చెప్పారు. రంజాన్ మాసం సందర్భంగా దాదాపు 300 మంది మసీదులో ప్రార్థనలు చేస్తుండగా ఈ ఘోర సంఘటన చోటు చేసుకుంది. ఖైబర్ గిరిజన ప్రాంతంలోని ఘుండి గ్రామంలో ఈ దాడి జరిగింది.

ఈ దాడికి పాల్పడింది ఎవరనేది తెలియడం లేదు. ఇప్పటి వరకు ఏ సంస్థ కూడా దీనికి బాధ్యత వహిస్తూ ప్రకటన చేయలేదు. గత మూడు నెలల కాలంలో పాకిస్తాన్‌లో ఇది అత్యంత దారుణమైన దాడి. గతంలో మే 13వ తేదీన ఉగ్రవాదాలు పెషావర్‌ సమీపంలోని పోలీసు శిక్షణా కేంద్రంపై జరిపిన దాడిలో 98 మరణించారు.

English summary

A suicide bomber hit a Pakistani mosque during Friday prayers, killing at least 43 people and wounding more than 100 others in the tribal district of Khyber, officials said.