బయట పడతాయి: వైయస్ మృతిపై గాలి ధీమా

By Srinivas

Published: Friday, August 19, 2011, 14:44 [IST]

అనంతపురం: దివంగత ముఖ్యమంత్రి వైయస్ రాజశేఖర రెడ్డి మృతిపై పలువురిలో ఉన్న అనుమానాలు త్వరలో వెలుగులోకి వస్తాయని కర్నాటక మాజీ మంత్రి, భారతీయ జనతా పార్టీ సీనియర్ నాయకుడు గాలి జనార్దన్ రెడ్డి శుక్రవారం అనంతపురంలో అన్నారు. తాము ఎలాంటి అక్రమాలకు పాల్పడలేదని అన్నారు. అవసరమైతే తాము సిబిఐ,ఎఫ్‌బిఐ విచారణకు సైతం సిద్దమే అని ప్రకటించారు. విచారణకు తమకు ఎలాంటి ఇబ్బంది లేదన్నారు. బ్రాహ్మిణికి, జగన్‌కు ఎలాంటి సంబంధం లేదన్నారు.

కాగా జగన్ ఆస్తులపై సిబిఐ దాడులకు నిరసనగా రాష్ట్రంలోని పలు జిల్లాల్లో వైయస్సార్సీ పార్టీ కార్యకర్తలు నిరసన వ్యక్తం చేశారు. శ్రీ పొట్టి శ్రీరాములు నెల్లూరు జిల్లాలో మహాత్మా గాంధీ బొమ్మ వద్ద మేకపాటి నల్లజెండాలు ధరించి నిరసన తెలిపారు. ఈ సందర్భంగా ఆయన కాంగ్రెసుపై ధ్వజమెత్తారు. వైయస్ మృతి తర్వాత రాష్ట్ర కాంగ్రెసు ఇటలీ కాంగ్రెసుగా మారిపోయిందని ఆరోపించారు. అత్యున్నత సిబిఐ కాంగ్రెసుకు దాసోహం అయిందని అన్నారు. శ్రీకాకుళం, కడప జిల్లాల్లోనూ పార్టీ కార్యకర్తలు నిరసన తెలిపారు. సిబిఐ దాడులకు నిరసనగా ప్రత్తిపాడులో సోనియా దిష్టిబొమ్మను దగ్ధం చేశారు.

Published On August 19, 2011