జగన్ పార్టీ నాయకుడు చెవిరెడ్డి భాస్కర రెడ్డి అరెస్టు

By Pratap

Published: Friday, August 19, 2011, 11:56 [IST]

హైదరాబాద్: వైయస్ జగన్మోహన్ రెడ్డి నాయకత్వంలోని వైయస్సార్ కాంగ్రెసు పార్టీ నాయకుడు చెవిరెడ్డి భాస్కర రెడ్డిని పోలీసులు శుక్రవారం ఉదయం అరెస్టు చేశారు. ముఖ్యమంత్రి కిరణ్ కుమార్ రెడ్డి కార్యాలయం వద్ద ఆందోళనకు దిగిన ఆయనను పోలీసులు అదుపులోకి తీసుకున్నారు. అపాయింట్‌మెంట్ ఉన్నప్పటికీ తనను సిఎం వద్దకు అనుమతించకపోవడంపై నిరసన వ్యక్తం చేస్తూ ఆయన ఆందోళనకు దిగారు. దీంతో ఆయనను పోలీసులు అరెస్టు చేశారు.

వైయస్ జగన్ వర్గానికి చెందిన కాంగ్రెసు శాసనసభ్యులు, వైయస్సార్ కాంగ్రెసు పార్టీ నాయకులు శుక్రవారం ఉదయం ముఖ్యమంత్రిని కలవడానికి వెళ్లారు. మాజీ మంత్రి బాలినేని శ్రీనివాస రెడ్డి తదితరులను లోనికి అనుమతించిన పోలీసులు చెవిరెడ్డి భాస్కర రెడ్డిని మాత్రం అడ్డుకున్నారు. దీంతో ఆగ్రహించిన చెవిరెడ్డి ఆందోళనకు దిగారు. వైయస్సార్ మంత్రివర్గ సభ్యులపై కూడా సిబిఐ విచారణ జరిపించాలని కోరడానికి జగన్ వర్గం నాయకులు ముఖ్యమంత్రిని కలుసుకున్న విషయం తెలిసిందే.

Published On August 19, 2011