జగన్‌పై కాంగ్రెసు కక్ష, అందుకే వేగంగా దాడులు: మేకపాటి

By Pratap

Published: Saturday, August 20, 2011, 16:30 [IST]

హైదరాబాద్: ప్రజల ఆదరాభిమానాలు చూసి కాంగ్రెసు వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిపై కక్ష కట్టిందని, అందుకే ఆగమేఘాల మీద సిబిఐ దాడులు జరుగుతున్నాయని పార్లమెంటు సభ్యుడు మేకపాటి రాజమోహన్ రెడ్డి అన్నారు. జగన్ గొప్ప రాజకీయ శక్తిగా ఎదుగుతున్నారని, కాంగ్రెసు, తెలుగుదేశం పార్టీలు మట్టి కొట్టుకుపోతాయని ఆయన శనివారం మీడియా ప్రతినిధుల సమావేశంలో అన్నారు. వైయస్సార్ ఇంటిలోనే సోదాలు నిర్వహిస్తారా అని ఆయన మండిపడ్డారు. కాంగ్రెసును చరిత్ర క్షమించదని ఆయన అన్నారు.

నైతిక విలుల గురించి మాట్లాడదలుచుకుంటే చాలా మాట్లాడాల్సి వస్తుందని ఆయన అన్నారు. దుర్మార్గంగా వార్తలు రాస్తుంటే వైయస్ జగన్ రక్షణ చేసుకోవద్దా అని ఆయన అడిగారు. వైయస్సార్‌ను దూషిస్తున్న కాంగ్రెసు పార్టీలో ఉండాలా, వద్దా అనే విషయంపై ఆ పార్టీ శాసనసభ్యులు ఆలోచించుకోవాలని శాసనసభ్యురాలు శోభా నాగిరెడ్డి అన్నారు.

Published On August 20, 2011