జగన్ కొండా సురేఖతో కెవిపి పేరు చెప్పించాడు: లగడపాటి
వైయస్ జగన్ వర్గానికి చెందిన శాసనసభ్యులు హైకోర్టునే సవాల్ చేస్తున్నారని, ఆ రకంగా కోర్టు ధిక్కారానికి పాల్పడుతున్నారని, దీనివల్ల తీవ్రమైన పరిణామాలుంటాయని ఆయన అన్నారు. సిబిఐ దర్యాప్తు వెనక కాంగ్రెసు హస్తం లేదని ఆయన మరోసారి స్పష్టంచేశారు. తనపై వచ్చిన ఆరోపణల్లో వాస్తవం లేదని వైయస్ జగన్ సుప్రీంకోర్టులో దాఖలు చేసిన స్పెషల్ లీవ్ పిటిషన్లో ఎక్కడా చెప్పుకోలేదని, కుట్రలో భాగంగానే సిబిఐ దర్యాప్తు జరుగుతోందని మాత్రమే అన్నారని ఆయన అన్నారు. అభియోగాల విషయంలో కెవిపి పేరు ప్రస్తావించిన జగన్ వర్గం పథకాల విషయంలో కెవిపి, కాంగ్రెసు పాత్ర ఉందని ఎందుకు చెప్పడం లేదని ఆయన అడిగారు. తాను నిర్దోషినని నిరూపించుకోవాల్సిన బాధ్యత జగన్పై ఉందని ఆయన అన్నారు.
పప్పూ యాదవ్ జైల్లో ఉండి భారీ మెజారిటీతో రెండు సార్లు గెలిచాడని, తర్వాత ఓడిపోయాడని, పరిస్థితి ఎప్పుడూ ఒకేలా ఉండదని, బండారం ప్రజలకు అర్థమవుతుందని ఆయన అన్నారు. నీతికి, అవినీతికి మధ్య పోరాటం జరుగుతోందని, ఈ స్థితిలో జగన్ తీరు బాగా లేదని ఆయన అన్నారు.
Click it and Unblock the Notifications
Sign in with Google