కాలగర్భంలో కలిసిపోతారు: జగన్‌పై చంద్రబాబు

హైదరాబాద్‌: డబ్బులతో పార్టీ పెట్టినవారు కాలగర్భంలో కలిసిపోతారని తెలుగుదేశం పార్టీ అధ్యక్షుడు నారా చంద్రబాబు నాయుడు వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిని ఉద్దేశించి అన్నారు. అవినీతి సాక్షిలో తన కోసం రెండు పేజీలు కేటాయించి తనపై బురద చల్లుతున్నారని ఆయన బుధవారం అన్నారు. వైయస్ రాజశేఖర రెడ్డి ప్రభుత్వ హయాంలో రాష్టాన్ని దోచుకున్నారని ఆయన విమర్సించారు. తనకు సింగపూర్‌లో హోటల్ ఉన్నట్లు పత్రాలు తీసుకొస్తే దాన్ని వారికే రాసిస్తానని ఆయన అన్నారు. తాను అవినీతికి పాల్పడినట్లు నిరూపిస్తే ఏ శిక్షకైనా సిద్ధమని ఆయన అన్నారు.

అవినీతికి వ్యతిరేకంగా తమ పోరాటం కొనసాగుతుందని ఆయన చెప్పారు. అన్నా హజారే ఆరోగ్యానికి ఏమైనా అయితే ప్రభుత్వానిది, కాంగ్రెసు పార్టీది బాధ్యత అని ఆయన అన్నారు. కాంగ్రెసు పాపాలు ఒక్కటొక్కటే బయటపడుతున్నాయని ఆయన అన్నారు. వ్యవసాయానికి ప్రత్యేక బడ్జెట్ ప్రతిపాదించాలని ఆయన ప్రభుత్వాన్ని డిమాండ్ చేశారు. ప్రభుత్వం రైతులను మోసం చేస్తోందని ఆయన విమర్శించారు.

English summary

TDP president N Chandrababu Naidu lashed out at YSR Congress party president YS Jagan.