మంత్రుల ప్రమేయమనేది వైయస్ జగన్ ఆరోపణ: డిఎస్

హైదరాబాద్: దివంగత ముఖ్యమంత్రి వైయస్ రాజశేఖర రెడ్డి ప్రభుత్వ హయాంలోనే అక్రమాలపై మంత్రులు పాత్ర ఉందనేది వైయస్సార్ కాంగ్రెసు పార్టీ అధ్యక్షుడు వైయస్ జగన్ ఆరోపణ అని ప్రదేశ్ కాంగ్రెసు కమిటీ (పిసిసి) మాజీ అధ్యక్షుడు డి. శ్రీనివాస్ అన్నారు. మంత్రులకు ఏ విధమైన బాధ్యత లేదని ఆయన బుధవారం మీడియా ప్రతినిధులతో అన్నారు. వైయస్ జగన్ ఆస్తుల కేసులో సిబిఐ దర్యాప్తులో తమ పార్టీ ప్రమేయం ఏ మాత్రం లేదని ఆయన అన్నారు. సిబిఐ దర్యాప్తు మంత్రులకు వర్తించదని ఆయన అన్నారు.

అవినీతి, అక్రమాల కేసుల్లో కాంగ్రెసు నాయకులు కూడా జైల్లో ఉన్నారని ఆయన గుర్తు చేశారు. సిబిఐ దర్యాప్తులో కాంగ్రెసు ప్రమేయం ఉందనే అనవసర విమర్శలు చేయవద్దని ఆయన సూచించారు. వైయస్ జగన్ వర్గానికి చెందిన శానససభ్యులు రాజీనామాలు చేయడం వల్ల తమ పార్టీకి నష్టమేమీ లేదని ఆయన అన్నారు. వైయస్ జగన్ అక్రమాస్తుల కేసులో ప్రభుత్వం కౌంటర్ దాఖలు చేయలేదనే విషయం తనకు తెలియదని ఆయన అన్నారు.

English summary

PCC former president D Srinivas said that only YSR Congress president making allegations against Ministers.