వైయస్ బొమ్మ లేకుండా గెలిచా: జెసి దివాకర్ రెడ్డి

అనంతపురం: దివంగత ముఖ్యమంత్రి వైయస్ రాజశేఖర రెడ్డి బొమ్మ లేకుండానే తాను తాడిపత్రి నుండి గెలిచానని మాజీ మంత్రి, అనంతపురం జిల్లా కాంగ్రెసు పార్టీ సీనియర్ నేత జెసి దివాకర్ రెడ్డి బుధవారం అన్నారు. వైయస్సార్ పేరును జగన్ ఆక్రమాస్తుల కేసులో పేర్కొనడంపై రాష్ట్ర ప్రభుత్వం ఎందుకు కౌంటర్ దాఖలు చేయలేదో ముఖ్యమంత్రి కిరణ్ కుమార్ రెడ్డియే సమాధానం చెప్పాలని అన్నారు. ఆ విషయంపై తనకు తెలియదన్నారు.

వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి తనపై వచ్చిన ఆరోపణలకు దోషిగా నిలబడతాడో లేదో చెప్పలేమన్నారు. నాటి వైయస్ హయాంలోని మంత్రివర్గాన్ని విచారించాలని వైయస్సార్సీ పార్టీ నేతలు డిమాండ్ చేస్తున్న నేపథ్యంలో వైయస్ మంత్రివర్గ సభ్యుడిగా తాను ఎలాంటి విచారణకైనా సిద్ధమని ప్రకటించారు. జగన్ కోసం రెండు రోజుల క్రితం రాజీనామాలు చేసిన శాసనసభ్యులపై ప్రజలలో సానుభూతి ఉంటుందన్నారు.

English summary

Anantapur district senior mla JC Diwakar Reddy said today that he won without late YSR's image from Tadipatri of Anantapur district.