పేదోళ్ల కడుపు కొడితే నిలబడదు: మోహన్ బాబు

By Srinivas

Published: Thursday, August 25, 2011, 12:14 [IST]

కర్నూలు: పేద ప్రజల కడుపు కొట్టి అక్రమంగా సంపాదించే డబ్బు ఎంతో కాలం నిలవదని ప్రముఖ సినీ నటుడు డైలాగ్ కింగ్ మోహన్ బాబు గురువారం మీడియాతో అన్నారు. ఆయన శ్రీకాళహస్తీలోని శివుడిని దర్శించుకున్నారు. ఈ సందర్భంగా ఆయన మీడియాతో మాట్లాడారు. అవినీతికి వ్యతిరేకంగా పోరాటం చేస్తున్న సంఘ సంస్కర్త అన్నాహజారేకు అందరూ మద్దతుగా నిలవాలని ఆయన కోరారు. దేశంలో అవినీతి విచ్చలవిడిగా ఉందన్నారు.

అవినీతితో సంపాదించే సొమ్ము ఎంతోకాలం నిలబడదన్నారు. అవినీతి అంటే అందరికీ అసహ్యం వస్తోందన్నారు. అవినీతిపై అందరూ నోరు విప్పే రోజు వచ్చిందన్నారు. అవినీతికి వ్యతిరేకంగా, అన్నాహజారేకు మద్దతుగా తాను నిర్వహిస్తున్న శాంతినికేతన్ పాఠశాల విద్యార్థులతో భారీ ర్యాలీ నిర్వహించామని చెప్పారు.

Published On August 25, 2011