రవి హత్య కేసులో జగనే ప్రధాన నిందితుడు: పరిటాల సునీత

అనంతపురం: తన భర్త పరిటాల రవి హత్య కేసులో వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డే ప్రధాన నిందితుడని తెలుగుదేశం పార్టీ శాసనసభ్యురాలు పరిటాల సునీత ఆరోపించారు. పరిటాల రవి హత్య కేసులో కోర్టు తీర్పుపై ఆమె హర్షం వ్యక్తం చేశారు. కేసు నుంచి తప్పించకపోతే వైయస్ జగన్‌కు పరిటాల రవి హత్య కేసులో శిక్ష పడి ఉండేదని ఆమె గురువారం మీడియా ప్రతినిధులతో అన్నారు. కేసు నుంచి మరికొంత మందిని తప్పించారని ఆమె విమర్శించారు.

తనకు అంతకు ముందు దేవుడిపై నమ్మకం ఉండేది కాదని, పరిటాల రవి హత్య తర్వాత వరుసగా జరుగుతున్న సంఘటనలు చూస్తుంటే నమ్మకం పెరుగుతోందని, అందువల్ల వైయస్ జగన్‌కు ప్రస్తుతం జరుగుతున్న సిబిఐ విచారణలోనైనా శిక్ష పడుతుందనే నమ్మకం తనకు ఉందని ఆమె అన్నారు. పరిటాల రవి హత్య కేసులో జగన్ ప్రమేయంపై హైకోర్టుకు వెళ్లే ఆలోచన చేస్తామని ఆమె అన్నారు. పరిటాల రవి హత్య కేసులో జగన్ ప్రమేయం ఉందని ఆమె అన్నారు.

English summary

TDP MLA Paritala Sunitha alleged that YSR Congress president YS Jagan is main accused in her husband Paritla Ravi's murder case.