బెర్ముడా విమానాశ్రయంలో దుస్తులిప్పేసిన మహిళ

లండన్: బెర్ముడా విమానాశ్రయంలో ఓ మహిళ అందరూ చూస్తుండగా దుస్తులిప్పేసి నగ్నంగా నిలబడింది. కస్టమ్స్ అధికారులు లగేజి తనిఖీ చేయడానికి ముందుకు వచ్చినప్పుడు ఆమె ఈ దిగ్భ్రాంతికరమైన చర్యకు పాల్పడింది. చుట్టుపక్కల అందరూ చూస్తుండగా ఆమె ఈ పనికి ఒడిగట్టినట్లు డైలీ మెయిల్ పత్రిక రాసింది. తనను నగ్నంగా చూడదలుచుకుంటే ఇప్పుడే చూడండంటూ ఆమె బట్టలు విప్పేసింది.

బెర్ముడాకు చెందిన ఫిలిప్స్ అనే మహిళ ప్రస్తుతం లండన్‌లో నివసిస్తోంది. వ్యక్తిగత ఆర్థిక వ్యవహారాలను చక్కదిద్దుకోవడానికి శనివారం బెర్ముడాకు వచ్చింది. తాను ఎప్పుడు వచ్చినా పదే పదే తనిఖీలు చేయడంతో తనకు పట్టలేని కోపం వచ్చిందని, దానితో ఆగ్రహంలో అలా ప్రతిస్పందించానని ఆమె మంగళవారం కోర్టులో చెప్పింది. అలా చేసినందుకు ఆమె క్షమాపణ చెప్పింది. అటువంటి పని మళ్లీ చేయనని చెప్పుకుంది.

English summary

A woman stripped naked at an airport in Bermuda after being stopped by the customs officers for a routine luggage check, a media report said Wednesday.