మా అమ్మ బాగుంది, త్వరలో వచ్చేస్తారు: ప్రియాంక

న్యూఢిల్లీ: సోనియా గాంధీ కూతురు ప్రియాంక వద్రా ప్రజల మధ్యకు వచ్చారు. తన సోదరుడు రాహుల్ గాంధీ ప్రసంగం వినడానికి ఆమె శుక్రవారం లోకసభ సందర్శకుల గ్యాలరీలోని మొదటి వరుసలో కూర్చున్నారు. అవినీతి, లోక్‌పాల్ బిల్లులపై రాహుల్ గాంధీ లోకసభలో మాట్లాడుతుండగా ఆమె శ్రద్ధగా విన్నారు. ఎర్ర రంగు చీర ధరించిన 39 ఏళ్ల ప్రియాంక మీడియా, ముఖ్యంగా దృశ్య మాధ్యమం నుంచి తప్పించుకోవడానికి ప్రయత్నించారు.

పార్లమెంటు భవనం నుంచి వేగంగా నడిచిపోతున్న ఆమెను కొద్ది జర్నలిస్టులు పట్టుకోగలిగారు. వారు ఆమెతో మాట్లాడడానికి ప్రయత్నించారు. సోనియా ఆరోగ్యం ఎలా ఉందని అడిగారు. ఆమె బాగుందని, త్వరలోనే దేశానికి తిరిగి వస్తారని ప్రియాంక సమాధానమిచ్చారు. హజారే దీక్షపై, అవినీతి వ్యతిరేక ఆందోళనలపై ఏమంటారని అడిగినప్పుడు సమాధానం చెప్పకుండా నవ్వుతూ వెళ్లిపోయారు. రాహుల్ గాంధీ ప్రసంగం ఎలా ఉందని అడిగితే ఆయన అభిప్రాయాలతో తాను ఏకీభవిస్తున్నట్లు జవాబిచ్చారు.

English summary

She was seen in public after a while and, as always, Priyanka Vadra was the cynosure of attention on Friday when she sat in the Lok Sabha gallery to hear big brother Rahul Gandhi speak - in the absence of their mother Sonia Gandhi, who is abroad recuperating from a surgery.