నాలుగేళ్ల చిన్నారిపై లైంగిక వేధింపులు, అరెస్టు

By Srinivas

Published: Tuesday, May 29, 2012, 8:14 [IST]

ముంబయి: ఓ పాఠశాల చైర్మన్ తనయుడు నాలుగేళ్ల చిన్నారి పట్ల అసభ్యంగా ప్రవర్తించినందుకు పోలీసులు అరెస్టు చేసిన ఘటన నగరంలోని మీరా రోడ్డులో చోటు చేసుకుంది. లైంగిక వేధింపులకు పాల్పడ్డ బాలుడిని కోర్టు సోమవారం వరకు రిమాండుకు పంపించింది. బాధిత చిన్నారి సాయి ప్లాజా వద్ద గల ఓ పాఠశాలలో నర్సరీ చదువుతోంది. గురువారం మధ్యాహ్నం బాధిత చిన్నారిని కమలేష్ ఖిచ్చా అనే విద్యార్థి పాఠశాల ప్రాంగణంలోని టాయిలెట్ దగ్గరకు తీసుకు వెళ్లాడు. అక్కడ ఆ చిన్నారిని లైంగిక వేధింపులకు గురి చేశాడు.

ఆ తర్వాత ఇంటికి వచ్చిన తన కూతురుకు రక్తం కారడాన్ని గమనించిన చిన్నారి తల్లి స్థానిక పోలీసు స్టేషన్‌లో శుక్రవారం ఫిర్యాదు చేసింది. బాధితుల ఫిర్యాదు మేరకు కమలేష్‌ను పోలీసులు అదుపులోకి తీసుకున్నారు. శనివారం థానే కోర్టును నిందితుడిని పోలీసులు ప్రవేశ పెట్టారు. కోర్టు నిందితుడిని సోమవారం వరకు రిమాండుకు పంపించింది.

Published On May 29, 2012