సింగపూర్ అధ్యక్షుడిగా టోనీ ట్యాన్ కెంగ్ యామ్

By Srinivas

Published: Tuesday, May 29, 2012, 8:14 [IST]

సింగపూర్ అధ్యక్షుడిగా మాజీ ఉప ప్రధాన మంత్రి, అధికార పీపుల్స్ యాక్షన్ పార్టీ అభ్యర్థి టోనీ ట్యాన్ కెంగ్ యామ్ ఎన్నికయ్యారు. సింగపూర్‌కు ఈయన ఏడవ అధ్యక్షుడు. శనివారం అధ్యక్ష ఎన్నికలు జరిగాయి. ఈ ఎన్నికల్లో ఆయన తన సమీప ప్రత్యర్థిపై ఏడువేలకు పైగా మెజార్టీతో గెలుపు పొందారు. అధ్యక్ష పీఠం కోసం మొత్తం నలుగురు పోటీ పడ్డారు. కానీ అదృష్టం మాత్రం ట్యాన్‌నే వరించింది.

రీకౌంటింగ్ తర్వాత ఆయన అధ్యక్షుడిగా ఎన్నికైనట్లు ఆదివారం ఉదయం ప్రకటించారు. భారత సంతతికి చెందిన ఎస్ ఆర్ నాథన్(సెల్లప్పన్ రామనాథన్) స్థానంలో సింగపూర్ అధ్యక్షుడిగా టోనీ ట్యాన్ బాధ్యతలు చేపట్టనున్నారు. ట్యాన్ వయస్సు 71 ఏళ్లు.

Published On May 29, 2012