యోగాగురు బాబా రామ్‌దేవ్ చుట్టూ ఈడి ఉచ్చు

By Pratap

Published: Thursday, September 1, 2011, 12:52 [IST]

న్యూఢిల్లీ: యోగాగురు బాబా రామ్‌దేవ్ చుట్టూ ఎన్‌ఫోర్స్‌మెంట్ డైరెక్టరేట్ (ఈడి) ఉచ్చు బిగిస్తోంది. రామ్‌దేవ్‌పై, ఆయన ట్రస్టుపై ఈడి విదేశీ మారకం ఉల్లంఘన కింద కేసు నమోదు చేసింది. యోగా గురు రామ్‌దేవ్‌కు చెందిన ప్రధాన సంస్థ పతంజలి ఆయుర్వేద అక్రమ లావాదేవీల ద్వారా డబ్బు పోగు చేసినట్లు ఆరోపణలు వచ్చాయి. తమ ఉత్పత్తుల విక్రయానికి రిటైలర్ల నుంచి పతంజలి ఆయుర్వేద సంస్థ డబ్బులు సమీకరించింది. సంస్థ చూపిన లెక్కలు కూడా గందరగోళంగా ఉన్నాయని అంటున్నారు.

రామ్‌దేవ్‌కు స్కాట్లాండ్‌లో ఓ దీవి ఉంది. దాన్ని ఆయన అనుచరుడొకతను బహుమతిగా ఇచ్చాడు. ఆ బహుమతి ఇచ్చిన పోద్దారు దంపతుల లావాదేవీలపై కూడా ఈడి విచారణ చేపట్టే అవకాశాలున్నట్లు చెబుతున్నారు. యోగాగురుకు, ఆయన సంస్థకు ఆ దీవితో గల సంబంధాలపై ఈడి ఆరా తీస్తోంది.

Published On September 1, 2011