జగన్ కోసం చాలా మంది ఎంపీలు రాజీనామాలు: సబ్బం

By Pratap

Published: Thursday, September 1, 2011, 17:46 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి మద్దతుగా చాలా మంది పార్లమెంటు సభ్యులు రాజీనామాలు చేస్తారని జగన్ వర్గానికి చెందిన పార్లమెంటు సభ్యుడు సబ్బం హరి అన్నారు. నాలుగైదు నెల్లలో చాలా మంది పార్లమెంటు సభ్యులు రాజీనామాలు చేస్తారని ఆయన చెప్పారు. రాజీనామా చేసిన పార్లమెంటు సభ్యుడు మేకపాటి రాజమోహన్ రెడ్డితో కలిసి ఆయన గురువారం వైయస్ జగన్‌తో సమావేశమయ్యారు. అనంతరం ఆయన మీడియాతో మాట్లాడారు. ఈ పార్లమెంటు సమావేశాల్లోగా తాను రాజీనామా చేస్తానని ఆయన చెప్పారు.

సిబిఐ నమోదు చేసిన ఎఫ్ఐఆర్‌లో వైయస్ రాజశేఖర రెడ్డి పేరు ఉండడం వల్లనే తాము రాజీనామా చేయాలని నిర్ణయించుకున్నట్లు ఆయన తెలిపారు. వైయస్సార్‌ను విమర్శిస్తే సహించే పార్లమెంటు సభ్యులు ఎవరూ లేరని ఆయన అన్నారు. వైయస్ జగన్‌కు మద్దతుగా లోకసభ సభ్యత్వానికి రాజీనామా చేయగా, సబ్బం హరి రాజీనామా చేయలేదు. వైయస్‌ పేరును ఎఫ్ఐఆర్‌లో చేర్చడంపై మరో పార్లమెంటు సభ్యుడు సాయిప్రతాప్ తీవ్రంగా విమర్శలు చేశారు.

Published On September 1, 2011