సోనియా వైయస్‌ను చిన్నపిల్లాడిలా చూశారు: కెవిపి

హైదరాబాద్: దివంగత ముఖ్యమంత్రి వైయస్ రాజశేఖర రెడ్డి రాష్ట్రంలో 32 పార్లమెంటు స్థానాలు గెలుస్తామని 2009 ఎన్నికలకు ముందు చెప్పినప్పుడు ఏఐసిసి అధ్యక్షురాలు సోనియా గాంధీ ఆయనను చిన్నపిల్లాడిలా చూశారని కెవిపి రామచంద్ర రావు ఓ టీవీ ఇంటర్వ్యూలో శుక్రవారం చెప్పారు. ఫలితాలు వచ్చిన తర్వాత ఢిల్లీలో సీన్ మారిపోయిందన్నారు. వైయస్ తాను చెప్పిన దానికంటే ఒక స్థానాన్ని ఎక్కువగా గెలిపించి చూపించడంతో సోనియా ఆశ్చర్య పోయారన్నారు. ఆయనను ప్రశంసించారన్నారు.

మీ చలువతోనే రెండోసారి మన్మోహన్ సింగ్ ప్రధానమంత్రిగా బాధ్యతలు చేపడుతున్నారని వైయస్‌‍ను సోనియా ప్రశంసించారన్నారు. 2009 ఎన్నికలకు ముందు పార్టీ అధిష్టానం అన్ని సీట్లు ఊహించలేదన్నారు. పోలవరం ప్రాజెక్టు ఆయన కలల ప్రాజెక్టు అన్నారు. దానిని పూర్తి చేయడానికి ఎన్ని అవాంతరాలైనా ఎదుర్కోవడానికి సిద్ధపడతానని చెప్పారన్నారు. ఆత్మ విశ్వాసమే వైయస్ బలం అన్నారు. జనమే అతనికి సగం బలం అన్నారు. జనం కోసం వైయస్ ఆసాధ్యాల్ని సుసాధ్యం చేశారన్నారు.

English summary

KVP Ramachandar Rao said today that AICC president Sonia Gandhi saw late YS Rajasekhar Reddy like child when he told majority seats will get Congress.