ప్లీజ్ నన్ను అర్థం చేసుకోండి: వికీలీక్స్‌పై నాదెండ్ల

హైదరాబాద్: తెలంగాణకు వ్యతిరేకంగా వ్యాఖ్యలు చేశారన్న వికీలీక్స్ వివాదంపై స్పీకర్ నాదెండ్ల మనోహర్ శుక్రవారం స్పందించారు. తాను ఎప్పుడూ అలాంటి వ్యాఖ్యలు చేయలేదని దయచేసి తనను అర్థం చేసుకోవాలని కోరారు. వికీలీక్స్ అంశాలు తనను చాలా బాధించాయని అన్నారు. తాను ఎప్పుడూ అలాంటి వ్యాఖ్యలు చేయలేదన్నరు. అలాంటి వ్యాఖ్యలు ఇకముందు కూడా చేయను, చేయబోనన్నారు. తాను అన్ని వర్గాలకు మిత్రుడనేనన్నారు. వికీలీక్స్ వ్యక్తిగత ఎజెండాతోనే అలాంటి ఆరోపణలు చేసి ఉంటుందని ఆయన అభిప్రాయపడ్డారు.

తనపై వచ్చిన ఆరోపణలపై విచారణ చేయించాల్సిందిగా విదేశాంగ శాఖను కోరతానని చెప్పారు. కాగా నాదెండ్ల ఉపసభాపతిగా ఉన్న సమయంలో తెలంగాణ ఉద్యమం ఉధృతంగా జరుగుతున్న సమయంలో ఇక్కడ జరుగుతున్న ఉద్యమంపై అమెరికా దౌత్యవేత్తలతో స్పీకర్ వ్యాఖ్యలు చేశారని వికీలీక్స్ వెల్లడించింది. ఉద్యమంలో నక్సలైట్లు ఉన్నారని ఆయన అన్నట్లుగా కేబుల్లో ఉన్నట్లుగా తెలుస్తోంది. దీనిపై పెద్ద దుమారమే రేగింది. దీంతో నాదెండ్ల స్పందించారు.

English summary

Speaker Nadendla Manohar condemned wikileaks cables on Telangana issue.