ప్రేమించలేదని గొడ్డలితో నరికి చంపిన ఉన్మాది

By Srinivas

Published: Sunday, September 4, 2011, 12:22 [IST]

కర్నూలు: తనను ప్రేమించలేదనే కోపంతో ఉ ప్రేమోన్మాది ఓ యువతిని గొడ్డలితో నరికి చెంపిన ఘటన కర్నూలు జిల్లాలో ఆదివారం చోటు చేసుకుంది. జిల్లాకు చెందిన వెలుగోడు మండలం గుంతకందాలలో ఈ ఘటన చోటు చేసుకుంది. ఉదయం 9 గంటల ప్రాంతంలో శివమ్మ అనే పద్నాలుగేళ్ల యువతి తన తల్లిదండ్రులతో కలిసి పొలం పనికి వెళ్లింది. గత కొన్నాళ్లుగా ప్రేమించమని ఆమెను వేధిస్తున్న శేఖర్ అనే యువకుడు పొలం దగ్గరకు వచ్చి ఆమెను గొడ్డలితో నరికాడు. శివమ్మ అక్కడికక్కడే మృతి చెందింది. శేఖర్ పరారీలో ఉన్నాడు. పోలీసులు కేసు నమోదు చేసుకొని దర్యాఫ్తు చేస్తున్నారు.

కాగా శేఖర్ ఏడాది కాలంగా శివమ్మ వెంట పడుతున్నాడని సమాచారం. దీంతో శివమ్మ తల్లిదండ్రులు శేఖర్‌కు బడిత పూజ చేశారు. దీంతో శేఖర్ కొన్నాళ్లు కామ్‌గా ఉన్నాడు. ఆదివారం అకస్మాత్తుగా గొడ్డలితో దాడి చేసి చంపాడు. కాగా శేఖర్ గతంలోనూ మరో అమ్మాయిని ప్రేమ పేరుతో వేధించాడని సమాచారం. ఆయితే ఆ కుటుంబం ఊరు వదిలి కూడా వెళ్లిపోయిందట.

Published On September 4, 2011