జయసుధ కాళ్ల వద్ద వాలిన చిలుకకు సపర్యలు

హైదరాబాద్‌: శాసనసభ ఆవరణలో సోమవారం విచిత్రమైన సంఘటన చోటు చేసుకుంది. తోటి ప్రాణుల పట్ల తన ప్రేమను చాటుకునే అవకాశం సికింద్రాబాద్ శాసనసభ్యురాలు, సినీ నటి జయసుధకు లభించింది. హీరోయిన్‌గా సినిమాల్లో అటువంటి దృశ్యాల్లో నటించి ఉండవచ్చు. కానీ తన నిజజీవతంలో ఆమెకు ఆ సంఘటన ఎదురైంది. ఓ చక్కదనాల రామచిలుక అలసిసొలసి ఆమె కాళ్ల వద్ద వాలిపోయింది. వైయస్ జగన్ వర్గానికి చెందిన శాసనసభ్యులు శాసనసభ స్పీకర్ నాదెండ్ల మనోహర్‌ను కలిసిన అనంతరం ఈ సంఘటన చోటు చేసుకుంది.

తన కాళ్ల వద్ద పడిపోయిన రామచిలుకను జయసుధ తన చేతుల్లోకి తీసుకుని సపర్యలు చేశారు. దానికి మంచినీళ్లు తాగించారు. సేద తీర్చారు. ఈ దృశ్యాన్ని కొండా సురేఖతో పాటు ఇతర శాసనసభ్యులు ఆసక్తిగా గమనించారు. రామచిలుకను తన అరచేతిలో ఉంచుకుని జయసుధ సపర్యలు చేశారు.

English summary

YSR Congress president YS Jagan camp MLA Jayasudha encountered an astonishing incident. A parror has been fallen at her feet.