వారంలో వైయస్ జగన్ అరెస్టు, గాలితో లింక్‌లపైన?

By Pratap

Published: Tuesday, September 6, 2011, 10:11 [IST]

హైదరాబాద్: కర్ణాటక మాజీ మంత్రి గాలి జనార్దన్ రెడ్డి అరెస్టు తర్వాత వైయస్సార్ కాంగ్రెసు అధ్యక్షుడు వైయస్ జగన్ అరెస్టుపై సిబిఐ దృష్టి సారించినట్లు ఓ ప్రముఖ ఆంగ్ల దినపత్రిక రాసింది. గాలి జనార్దన్ రెడ్డితో సంబంధాలపై ఈ అరెస్టు జరిగే అవకాశం ఉందని సిబిఐ వర్గాలు చెప్పినట్లు ఆ పత్రిక రాసింది. వైయస్ జగన్ ఆస్తుల కేసులో ఆధారాల కోసం కూడా సిబిఐ అధికారులు పరిశీలిస్తున్నారు. జగన్‌ను ఈ వారంలోనే అరెస్టు చేయవచ్చునని కూడా ఆ పత్రిక రాసింది.

ఈ నెల 8వ తేదీన పార్లమెంటు సమావేశాలు ముగుస్తున్నాయి. పార్లమెంటు సమావేశాలు జరుగుతుండగా ఓ పార్లమెంటు సభ్యుడిని అరెస్టు చేయడానికి స్పీకర్ అనుమతి తీసుకోవాల్సి ఉంటుంది. దీంతో సిబిఐ అధికారులు జగన్‌ను అరెస్టును ఆపుతున్నట్లు ఆ పత్రిక రాసింది. సమావేశాలు ముగిసిన వెంటనే అరెస్టు చేయడానికి సిబిఐ ఏర్పాట్లు చేసుకుంటున్నట్లు ఆ పత్రిక రాసింది. అయితే, గాలి జనార్దన్ రెడ్డితో తనకు ఏ విధమైన వ్యాపార సంబంధాలు లేవని వైయస్ జగన్ అంటున్నారు.

Published On September 6, 2011