ఢిల్లీ హైకోర్టు వద్ద పేలుడు, ఇద్దరి స్కెచ్‌లు విడుదల

న్యూఢిల్లీ: ఢిల్లీ హైకోర్టు వద్ద బాంబు పేలుడు కేసులో పోలీసులు ఇద్దరు ఉగ్రవాదుల ఊహాచిత్రాలను బుధవారం సాయంత్రం విడుదల చేశారు. చిత్రాలను బట్టి ఓ అనుమానితుడి వయస్సు 26 ఏళ్లు, మరో అనుమానితుడి వయస్సు దాదాపు 50 ఏళ్లు ఉంటుంది. ఢిల్లీ హైకోర్టు వద్ద జరిగిన బాంబు దాడిలో 11 మంది మరణించగా, 76 మంది గాయపడ్డారు. తెల్ల చొక్కా ధరించిన వ్యక్తి బ్రీఫ్‌కేసుతో కనిపించాడని ప్రత్యక్ష సాక్షులు చెబుతున్నారు.

కాగా, హైదరాబాదులోని మలక్‌పేటలో పోలీసులు ఉగ్రవాది అరీఫుద్దీన్‌ను పోలీసులు అరెస్టు చేశారు. ఇతను 2000లో మలక్‌పేటలోని మార్కెట్లో టైంబాంబు అమర్చాడు. ఢిల్లీ పేలుళ్లకు సంబంధించి అతన్ని పోలీసులు విచారిస్తున్నట్లు సమాచారం.

English summary

The Delhi police finally released the sketches of two suspects involved in the Delhi High Court blast, 2011. The sketches reveal that one of the suspects is aged around 26 while the other is around 50 years of age.