సందర్శకులను అనుమతించవద్దు: గాలి జనార్దన్ రెడ్డి

By Pratap

Published: Wednesday, September 7, 2011, 11:11 [IST]

హైదరాబాద్: తనను పలకరించడానికి ఎవరు వచ్చినా అనుమతించవద్దని హైదరాబాదులోని చంచల్‌గుడా జైలులో ఉన్న కర్ణాటక మాజీ మంత్రి గాలి జనార్దన్ రెడ్డి జైలు అధికారులను కోరారు. న్యాయవాదులను మినహా ఎవరినీ తన వద్దకు పంపించవద్దని ఆయన సూచించారు. బుధవారం రెండో రోజు ఉదయం 5 గంటల 45 నిమిషాలకు ఆయన లేచారు. జాగింగ్ చేశారు. ఉదయం పూట కిచిడీ తిని, పాలు తాగారు.

గాలి జనార్దన్ రెడ్డి విషయంలో ఏ విధమైన ఇబ్బంది లేదని, గాలి జనార్దన్ రెడ్డి ఆరోగ్యంగానే ఉన్నారని జైలు సూపరింటిండెంట్ చెప్పారు. వైయస్ జగన్ వర్గానికి చెందిన శాసనసభ్యుడు కాపు రామచంద్రా రెడ్డి మంగళవారం గాలి జనార్దన్ రెడ్డిని కలిశారు. గాలి జనార్దన్ రెడ్డి దాఖలు చేసుకున్న బెయిల్ పిటిషన్ బుధవారం విచారణకు రానుంది. చంచల్‌గుడా జైలు వద్ద భారీ బందోబస్తు ఏర్పాటు చేశారు.

Published On September 7, 2011