రష్యాలో విమానం కూలి 43 మంది దుర్మరణం

మాస్కో: రష్యాలోని మాస్కో సమీపంలో బుధవారం సాయంత్రం ఘోర విమాన ప్రమాదం సంభవించింది. విమానం టేకాఫ్ సమయంలో ఈ ప్రమాదం సంభవించింది. ఈ విమాన ప్రమాదంలో 43 మంది మరణించారు. బెలారస్ వెళుతుండగా మాస్కోకు 200 కి.మీ దూరంలో ఈ విమానం కుప్పకూలింది. దీనిలో ప్రయాణిస్తున్న రష్యా, జర్మనీ, స్వీడన్ దేశాలకు చెందిన ఐస్ హాకీ ఆటగాళ్లు మృతి చెందారు. తీవ్రంగా గాయపడి ఇద్దరు ప్రాణాలతో బయటపడ్డారు.

యారోస్లావీ సమీపంలోని విమానాశ్రయం నుంచి బయలుదేరిన వెంటనే యాక్ - 42 విమానం కుప్పకూలిందని రష్యా అత్యవసర పరిస్థితుల మంత్రిత్వ శాఖ తెలిపింది. విమానంలో మొత్తం 45 మంది ఉన్నారు. వారిలో 8 మంది విమాన సిబ్బంది. సమాచారం అందిన వెంటనే రష్యా ప్రధాని వ్లదిమీర్ పుతిన్ జాతీయ రవాణా మంత్రిని సంఘటనా స్థలానికి పంపించారు. విమానంలో లోకోమోటివ్ ఐస్ హాకీ టీమ్ యరోస్వాలి నుంచి మిన్‌స్క్‌కు బయలుదేరినట్లు మంత్రిత్వ శాఖ తెలిపింది. కాంటినెంటల్ హాకీ లీగ్‌లో పాల్గొనడానికి వారంతా బయలుదేరారు.

English summary

A Russian jet carrying a top ice hockey team crashed while taking off Wednesday in western Russia, killing at least 43 people and leaving two critically injured, officials said.