వైయస్తో జగన్ వేరు, నమ్మిన ఎమ్మెల్యేల్లో కలవరం
అంతేకాకుండా ఇరువురి మధ్య వ్యాపార లావాదేవీలు కూడా ఉన్నాయనే ఆరోపణలు ఉన్నాయి. ఇవన్నీ రాష్ట్ర ప్రజలకు తెలుసునని అలాంటప్పుడు గాలితో తనకేమి సంబంధం అని జగన్ చెప్పడం ప్రజల్లోకి తప్పుడు సంకేతాలు తీసుకు వెళుతుందని జగన్ వర్గం ఎమ్మెల్యేలు భావిస్తున్నట్టుగా తెలుస్తోంది. అంతేకాకుండా దివంగత వైయస్ తనను నమ్మిన వారి కోసం తాను నష్టపోతానని తెలిసినప్పటికీ వారికి అండగా ఉండేవాడని కానీ జగన్ మాత్రం తండ్రి వైఖరికి పూర్తిగా భిన్నంగా కనిపిస్తున్నాడనే అంతర్మథనం జగన్ ఎమ్మెల్యేల్లో ఉన్నట్లుగా సమాచారం. గాలి వంటి వ్యక్తితోనే తనకు ఎలాంటి సంబంధం లేదని తేలిగ్గా తేల్చిన జగన్ ముందు ముందు తమపట్ల కూడా అలాగే వ్యవహరించే అవకాశాన్ని కొట్టి పారేయలేమని ఆవేదన చెందుతున్నట్లుగా తెలుస్తోంది.
మాట తప్పని మడమ తిప్పని వంశం అంటూ గాలితో సంబంధాలను ఒక్క మాటతో కొట్టి పారేశారని అలాంటప్పుడు రాష్ట్ర ప్రజలు ఆయనను ఎలా నమ్మగలరనే ప్రశ్న వారిలో ఉదయించినట్లుగా సమాచారం. తనను నమ్ముకున్న వారిని కాపాడటంలో వైయస్ తీరుకు జగన్ పూర్తి భిన్నంగా ఉండటంతో జగన్ వర్గం ఎమ్మెల్యేల్లో కలవరం కనిపిస్తున్నట్లుగా తెలుస్తోంది. ఇరవయ్యారు మంది రాజీనామాలపై స్పీకర్ నాదెండ్ల మనోహర్ వ్యక్తిగతంగా కలిసి విచారణ జరుపుతారనే సమయంలో జగన్ గాలితో తనకు సంబంధం లేదని చేసిన వ్యాఖ్యలు ఆయనకు నష్టం కలిగించే అవకాశాలను కొట్టి పారేయలేమని పలువురు వ్యాఖ్యానిస్తున్నారు.
Click it and Unblock the Notifications
Sign in with Google