ముద్దుబిడ్డ డైలీ సీరియల్‌పై హెచ్‌ఆర్‌సికి ఫిర్యాదు

హైదరాబాద్: జితెలుగు టీవీ చానెల్‌లో ప్రసారమవుతున్న ముద్దుబిడ్డ సీరియల్‌పై బాలల హక్కుల సంఘం మానవ హక్కుల సంఘానికి (హెచ్‌ఆర్‌సికి) ఫిర్యాదు చేసింది. ఆ సీరియల్ ప్రసారాన్ని వెంటనే నిలిపేయాలని సంఘం హెచ్‌ఆర్సీని కోరింది. సీరియల్ పిల్లల్లో నేరప్రవృత్తిని పెంచి పోషించే విధంగా ఉందని బాలల హక్కుల సంఘం ఆరోపించింది. పిల్లల్లో హింసాప్రవృత్తిని ప్రేరేపించే విధంగా ఉందని కూడా ఫిర్యాదు చేసింది.

ముద్దుబిడ్డ తెలుగు సీరియల్ ప్రతి రాత్రి ఎనిమిది గంటలకు ప్రసారమవుతోంది. ఓ పాప ఓ కుటుంబంపై కక్ష తీర్చుకునేందుకు కుట్రపూరితంగా వ్యవహరించే ఇతివృత్తంతో ఈ సీరియల్ నిర్మితమైంది. ఓ కుటుంబాన్ని నాశనం చేయడానికి ఓ మహిళ తన బిడ్డకు శిక్షణ ఇచ్చి ఆ కుటుంబ సభ్యుల బిడ్డగా ఆ కుటుంబంలోకి ప్రవేశపెడుతుంది. కుట్రలు, కుతంత్రాలు చేసే పిల్ల వయస్సు చాలా చిన్నగా ఉంది. నిజానికి, ఆ పాత్ర వయస్సు అంతగా కుట్రలు, కుతంత్రాలు చేసేది కూడా కాదని సీరియల్ చూస్తే అర్థమవుతోంది.

English summary

A complaint was ladged against Muddubidda daily serial to Human Rights Vommission,