జైలుకు కన్నడ నటుడు దర్శన్, భార్య యు - టర్న్

బెంగళూర్: తన భార్య విజయలక్ష్మిపై భౌతిక దాడి చేశాడనే ఆరోపణపై కన్నడ నటుడు దర్శన్‌కు కోర్టు జ్యుడిషియల్ రిమాండ్ విధించింది. దీంతో పోలీసుసు అతన్ని జైలుకు తరలించారు. ఎలక్ట్రానిక్ సిటీ సమీపంలోని కొనప్పన అగ్రహారలోని జైలుకు దర్శన్‌ను పోలీసులు తరలించారు. అయితే, కేసు ఆశ్చర్యకరమైన మలుపు తీసుకుంది. దర్శన్ భార్య విజయలక్ష్మి యు -టర్న్ తీసుకోవడంతో కేసు మలుపు తిరిగింది.

దర్శన్ తనపై దాడి చేశాడని, తననూ తన కుమారుడిని చంపుతానని బెదిరించాడని ఆరోపించిన విజయలక్ష్మి మాట మార్చింది. తన భర్త దర్శన్ తనను వేధించలేదని, బాత్రూంలో నిద్రపోవడం వల్ల తాను గాయపడ్డానని ఆమె చెప్పింది. నటి నిఖితతో దర్శన్‌కు గల సంబంధం వల్లనే భార్యాభర్తల మధ్య విభేదాలు పొడసూపినట్లు ప్రచారం జరుగుతోంది. భార్య విజయలక్ష్మిపై భౌతికమైన దాడి చేశాడనే ఆరోపణపై పోలీసులు శుక్రవారం ఉదయం దర్శన్‌ను అదుపులోకి తీసుకుని కోర్టులో ప్రవేశపెట్టారు.

English summary

Kannada superstar, Darshan, who was arrested on Friday, Sep 9, has been sent to jail in judicial custody over allegedly beating his wife Vijayalakshmi.