అజహర్ తనయుడు అయాజుద్దీన్‌పై భిన్న కథనాలు

By Srinivas

Published: Sunday, September 11, 2011, 13:07 [IST]

హైదరాబాద్: మాజీ భారత క్రికెట్ జట్టు సారథి, ఉత్తర ప్రదేశ్ పార్లమెంట్ సభ్యుడు మహమ్మద్ అజారుద్దీన్ తనయుడు అయాజుద్దీన్ ఆరోగ్యంపై భిన్న కథనాలు వెలువడుతున్నాయి. అయాజుద్దీన్ మృతి చెందినట్లు కొన్ని వార్తలు వచ్చాయి. అయితే మృతి వార్తలను కొట్టి పారేస్తూ మరికొన్ని వార్తలు వస్తున్నాయి. ప్రమాదంలో తీవ్ర గాయలయి మృతి చెందినట్లు వచ్చిన వార్తలు నిజం కాదని బతికే ఉన్నాడని మరికొన్ని వార్తలు వెలువడుతున్నాయి. అయితే ఆసుపత్రి వైద్యులు మాత్రం అయాజుద్దీన్ మృతి చెందలేదని చెప్పారు. ఆయాజ్‌కు తీవ్ర గాయాలయి విషమంగా మాత్రమే ఉందని చెప్పారు. పరిస్థితి మాత్రం విషమంగా ఉందని వైద్యం చేస్తున్నామని వైద్యులు చెప్పారు. అయాజుద్దీన్ వెంటిలేషన్ పై ఉన్నారని చెప్పారు. ఆయనను ప్రాణాపాయం తొలగించడానికి శాయశక్తులా కృషి చేస్తున్నామని చెప్పారు. అయితే ఆయాజ్ సోదరుడు అఫ్జల్ మృతి చెందాడని చెప్పారు.

హైదరాబాదు ఔటర్ రింగు రోడ్డు పరిసరాల్లోని పుప్పాల్ గూడలో బైక్ రేసింగ్ సందర్భంగా అయాజుద్దీన్ గాయపడ్డ విషయం తెలిసిందే. అయాజుద్దీన్‌తో పాటు ఆయనతో పెద్దమ్మ తనయుడు అఫ్జల్ కూడా తీవ్రంగా గాయపడ్డాడు. ఇద్దరూ అపస్మారక స్థితిలోకి వెళ్లారు. ప్రమాదం జరగగానే స్థానికులు వెంటనే స్పందించి జూబ్లీహిల్సులోని అపోలో ఆసుపత్రికి తరలించారు. వెంటేనే వారి కుటుంబానికి సమాచారం అందించారు. తన తనయుడకి యాక్సిడెంట్ అయిన విషయం తెలియగానే లండన్ లో ఉన్న అజహరుద్దీన్ హుటాహుటిన బయలు దేరారు.

Published On September 11, 2011