గాలి జనార్ధన్ రెడ్డి వాస్తు దోషం బెడిసి కొట్టిందా?

By Srinivas

Published: Monday, September 12, 2011, 10:12 [IST]

బెంగళూరు: కర్నాటక మాజీ మంత్రి, భారతీయ జనతా పార్టీ సీనియర్ నాయకుడు గాలి జనార్ధన్ రెడ్డికి వాస్తు దోషం బెడిసి కొట్టినట్లుగా కనిపిస్తోంది. గాలి జనార్ధన్ రెడ్డి అరెస్టు కారణం మైనింగ్ కార్యకలాపాలు కాదని ఇంటి వాస్తు దోషమేనని భావించిన గాలి జనార్ధన్ రెడ్డి కుటుంబం శనివారం హఠాత్తుగా ఆగ్నేయం వైపున ఉన్న ప్రధాన ద్వారాన్ని మూసి వేసింది. మరోవైపు ఆ ద్వారాన్ని పెట్టారు. సోమవారం గాలి జనార్ధన్ రెడ్డి బెయిలు, కస్టడీ విచారణ ఉన్నందున ఆ లోగా వాస్తు దోషం తొలగిస్తే మంచిదని పండితులు చెప్పినందు వల్లే కుటుంబ సభ్యులు శనివారం వాస్తులో మార్పులు చేశారని వాదనలు వినిపించాయి.

అయితే ఇంటికి చేసిన వాస్తు గాలికి బెడిసి కొట్టినట్లుగానే కనిపిస్తోంది. శనివారం వాస్తు ప్రకారం ద్వారం మూసివేసిన తర్వాత ఆ దోషం గాలితో పాటు ఆయన అనుచరులకు పట్టుకున్నట్టుగా కనిపిస్తోంది. ఆదివారం సిబిఐ అధికారులు గాలి జనార్ధన్ రెడ్డికి సన్నిహితులైన వారి ఇళ్లలోనూ సోదాలు నిర్వహించారు. ఆదివారం గాలికి సన్నిహుతులైన జెడ్పీటీసి సభ్యుడు రాజశేఖర గౌడ, బుడా అధ్యక్షుడు గురులింగన గౌడ ఇళ్లలో సోదాలు నిర్వహించారు. వారి ఇళ్ల నుండి విలువైన పత్రాలు స్వాదీనం చేసుకున్నట్లుగా తెలుస్తోంది.

Published On September 12, 2011