అమెరికా రోడ్డు ప్రమాదంలో ఆంధ్రా ఉద్యోగి మృతి

By Pratap

Published: Tuesday, September 13, 2011, 8:30 [IST]

విజయవాడ: ఉద్యోగ నిర్వహణలో భాగంగా అమెరికా వెళ్లిన ఆంధ్ర యువకుడు అమెరికా రోడ్డు ప్రమాదంలో దుర్మరణం పాలయ్యాడు. కృష్ణా జిల్లా తోట్లవల్లూరు మండలం భద్రిరాజుపాలేనికి చెందిన విజయ్ కుమార్ రెడ్డి (31) అనే యువకుడు ఈ నెల 7వ తేదీన మరణించాడు. అమెరికాలోని చికాగో నగరంలో జరిగిన రోడ్డు ప్రమాదంలో అతను మరణించాడు.

ఐటిలో ఎమ్మెస్సీ చేసిన అతను మొదట బెంగళూర్‌లో ఉద్యోగం చేశాడు. ఏడాదిన్నర క్రితం ఐగేట్ సంస్థ ద్వారా అమెరికా వెళ్లాడు. ఈ నెల 7వ తేదీన పుట్టిన రోజు చేసుకున్న అతను అదే రోజు రోడ్డు ప్రమాదంలో ప్రాణాలు కోల్పోయాడని చెప్పారు. మంగళవారం మధ్యాహ్నం అతని మృతదేహం స్వదేశానికి వచ్చే అవకాశం ఉంది.

Published On September 13, 2011