గాలి భూముల్లో ఎర్రజెండాలు పాతిన స్థానికులు

By Pratap

Published: Tuesday, September 13, 2011, 14:24 [IST]

కర్నూలు: అక్రమ మైనింగ్ కేసులో అరెస్టయిన కర్ణాటక మాజీ మంత్రి గాలి జనార్దన్ రెడ్డి భూముల్లో స్థానికులు ఎర్ర జెండాలు పాతారు. కర్నూలు జిల్లా ఓర్వకల్లు మండలం కాల్వబుగ్గ గ్రామంలోని 70 ఎకరాల భూముల్లో వారు ఈ ఎర్ర జెండాలు పాతారు. సిపిఐ, సిపిఎం ఆధ్వర్యంలో స్థానికులు ఆ భూములపై దాడి చేసి స్వాధీనం చేసుకున్నారు. ఆ భూములు గాలి జనార్దన్ రెడ్డి సతీమణి అరుణ పేరు మీద ఉన్నట్లు తెలుస్తోంది.

గాలి జనార్దన్ రెడ్డి దాదాపు 70 ఎకరాల భూమిని కొనుగోలు చేసి తన భార్య పేరు మీద రిజిష్టర్ చేసినట్లు తెలుస్తోంది. ఈ భూముల్లోని పది ఎకరాల్లో ప్రస్తుతం మామిడి తోటలు ఉన్నట్లు కూడా చెబుతున్నారు. గతంలో తమ వద్ద తక్కువ ధరకు గాలి జనార్దన్ రెడ్డి భూములను తీసుకున్నారని స్థానికులు ఆరోపిస్తున్నారు.

Published On September 13, 2011