గాలి బెంగళూర్ నివాసంలో మళ్లీ సిబిఐ సోదాలు

By Pratap

Published: Wednesday, September 14, 2011, 19:51 [IST]

బెంగళూర్: అక్రమ మైనింగ్ కేసులో అరెస్టయిన కర్ణాటక మాజీ మంత్రి గాలి జనార్దన్ రెడ్డి నివాసంలో సిబిఐ అధికారులు మళ్లీ సోదాలు నిర్వహిస్తున్నారు. బెంగళూర్‌లోని ఆయన నివాసంలో వారు తనిఖీలు నిర్వహిస్తున్నారు. గాలి జనార్దన్ రెడ్డికి సన్నిహితులైనవారి నివాసాల్లో కూడా వారు సోదాలు చేస్తున్నారు. మంగళవారం రాత్రి నుంచి సిబిఐ అధికారులు సోదాలు చేస్తున్నారు. బుధవారం కూడా విస్తృతంగా తనిఖీలు నిర్వహించారు.

కాగా, హైదరాబాదులో తమ కార్యాలయంలో సిబిఐ అధికారులు గాలి జనార్దన్ రెడ్డిని, ఆయన బావ శ్రీనివాస రెడ్డిని బుధవారం కూడా విచారించారు. ఉదయం నుంచి సాయంత్రం వరకు వారిని సిబిఐ అధికారులు ప్రశ్నించారు. హైకోర్టు న్యాయవాదుల సమక్షంలో వారి విచారణ సాగుతోంది. తమ సిబిఐ కస్టడీని ప్రశ్నిస్తూ గాలి జనార్దన్ రెడ్డి బుధవారం హైకోర్టుకు కూడా వెళ్లారు.

Published On September 14, 2011