అత్యాచారం చేస్తున్న సైకో కోసం 4 రోజులుగా గాలింపు

నెల్లూరు/రంగారెడ్డి: ఆడవాళ్లపై అత్యాచారయత్నాలు, హత్యాయత్నాలు చేస్తున్న ఓ సైకోను పట్టుకోవడానికి పోలీసులు తీవ్రంగా ప్రయత్నాలు చేస్తున్న సంఘటన శ్రీ పొట్టి శ్రీరాములు నెల్లూరు జిల్లాలో చోటు చేసుకుంది. నెల్లూరు జిల్లాలోని కావలిలో ఓ వ్యక్తి గత నాలుగు రోజులుగా ఆడవాళ్లపై అత్యాచార యత్నాలు, హత్యా యత్నాలు చేస్తున్నాడట. ఆయన సైకో అని స్థానికులు, పోలీసులు అనుమానిస్తున్నారు. సైకోలా వ్యవహరిస్తున్న ఆ వ్యక్తి కోసం పోలీసులు నాలుగు రోజులుగా ప్రయత్నిస్తున్నారు. అయితే అతను మాత్రం దొరకడం లేదట.

కాగా రంగారెడ్డి జిల్లాలోని శామీర్ పేట పరిధిలో ఓ కానిస్టేబుల్ ఓ మహిళపై అత్యాచారయత్నం చేశారు. తనపై అత్యాచార యత్నం చేసిన వ్యక్తిపై బాధిత మహిళ శామీర్ పేట పోలీసు స్టేషన్‌లో ఫిర్యాదు చేసింది. బాధితురాలి ఫిర్యాదును స్వీకరించిన పోలీసు అధికారులు బాధిత మహిళకు, అత్యాచార యత్నానికి పాల్పడ్డ వ్యక్తికి మధ్య రాజీ కుదిర్చే ప్రయత్నాలు చేసినట్లుగా తెలుస్తోంది.

English summary

Kavali of Sri Potti Sriramulu Nellore district police are searching for a psycho, who is harassing women.